2018-03-06 نشرت في
ليلى طوبال: صوموا على الكره والبغض والتنوفيق
تزامنا مع شهر رمضان المعظّم، نشرت الممثّلة المسرحية ليلى طوبال تدوينة على صفحتها الرسمية فيسبوك، للتعليق على جدل الصيام والافطار.
وقالت طوبال :
"علاش من نهار الأحد الأسود الي روٌح فيه الغنوشي كل شي تبدّل في البلاد... خاصة الحاجات الي كانت تتعمل من غير جوجمة وعرك وتنظير وتفلسيف وتفقهيج ووصاية ... رمضان شهر عندو نكهة خاصة...
الي يصوم يصوم على روحو والفاطر يفطر على روحو ... الصايم ما يتكولفش في الفاطر وفمة ناس فاطرينnaturellement ما ياكلوش قدام الصايمين... فمة ناس فاطرة وتصدّق كل ليلة عشاء... ويشريو حوايج العيد لليتامة... ونهار العيد يدوروا يعيدوا... معناها الغلبة هاذي ما كانتش فمّة... ولينا العصيدة بدعة وصلاة العيد في الشطوط وعادل العلمي هاجم عالقهاوي ويصور في الفطارة ويشهّر بيهم والنَّاس الكل ولات ربوية وتفتي على جدّ والدينا... تي حلوا على سمانا ما عندنا ما نصنعوا في حياتنا ... ما عندنا ما نعملوا لبلادنا... صوموا على الكره والبغض والتنوفيق وهزوا يديكم عالبلاد والعباد وخلّيو كل واحد حرّ في روحو ونهار الي باش يتحاسب موش باش يعطلّكم تشفعوا فيه..."
وللتذكير، تعيش تونس سنويّا على وقع الجدل القائم بخصوص العمل بالمنشور الذي يمنع المقاهي والمطاعم من فتح الأبواب أمام العموم خلال شهر رمضان.
