2018-03-06 نشرت في
بالصور: رد ناري من تونسيات على محاولات تشويه صورة ''للّات النساء''
بقلم كل من اعتدال الوريمي وآية الذّوّادي، كلمات للمرأة التونسية الفاعلة في المجتمع الحاضرة في جميع الميادين.
المرأة التونسية أثبت وجودها ضمن منظومة عربية ذكورية وصنعت مجد بلاد رائدة بنسائها في عديد الميادين.
وكتبت اعتدال الوريمي وآية الذّوّادي هذه الكلمات مرفوقة بصور معبرة لآمنة الزين:
"حكاية و أخرى و برشا دمعات
قلنا يزي و كلماتنا ما كفات
غزروا و قالوا: "لا دين لا ملّة هاك البنات"
المراة التونسية حرة من ستة و خمسين
و اللّي كلامو خلاف هذا يجيبلنا المُبين
خَرجِت ناضلِت من وقت الاستعمار
أما ربّات و كبّرت وهي في الدّار
المراة التونسية للّة النساء
وهي لصغارها وبلادها فِداء
هي بنت الأرياف بالفمّ و الملا
و تلقاها في الإدارات من الصباح للمساء
البنيّة التّونسية بنت عيلة
و لو أنّو ساعات يدوروا بها جماعة الحيلة
و تكون هي على نيّاتها مسكينة
و تخرج غالطة كي كل ديمة
المراة التونسية تعطي الثيقة
و هي خدّامة ولطيفة و رقيقة
و في نفس الوقت قويّة
و تخدم غيرها من غير مزيّة
التونسية عازفة و مثقفة و فقيهة
و وين ادّورها ادّورلك في أي جيهة
يزينا بلا أحكام مسبقة يا ناس
و خلّيونا نبنيوْا اللّي يرفع الرّاس
و نكوّنوا نسانا وبناتنا من جديد
لين يكونوا قُدوة للقريب والبعيد."
